106. Note: şəxsi təcrübələrimdən hisse..kimsə problemsiz yaşaya bilər, yenə də ümumi çərçivənin bu yöndə olduğunu düşünərəm.

Əvvəl 1 ci kurs idim çaylakdım, bilib bilmədiyim hər suala cavab verib cavab uydurardım. indi ikiyəm. Müəllim özünü cırsa da mənə ünvanlamadığı müddətcə suala cavab verməyə tənəzzül etmirəm. Kimisi özünə güvənir soyuqqanlıdır deyər, amma bilin ki, bu Qudurmaq deyil, sadəcə yormağa dəyməz. Görəcəksiniz ki, hər suala cavab vermək və ya verməyə çalışmaq ağıllılıq deyil. Müəllimələrlə isti münasibət bəslədiyim, hətta zarafatlarıma da güldükləri, bir masa arxasında danışdığım da olub. Amma bu, akademik iyerarxiyanı dəyişmir. Belə də olmalıdır. Lakin bilməlisiniz ki, günün sonunda ona itaətiniz qədər və kağızda yazdığınız nəticə qədər varsınız.
ikinci olaraq, hər mübahisəyə girmək prinsip olmamalıdır. bəzən sadəcə enerji itkisidir. Nə müəlliməylə, nə müəllimə qarşısında başqa tələbə ilə dirəşməyin. Səsinizi boğacaqlar, qiymətinizi kəsəcəklər , vəziyyət ciddiləşsə dekan müavinindən üzr istəyəcəksiniz. Mən üzr istəyən olmadım, amma istəyənlər zararın yarısından döndülər. Qısaca qiymətlər ya obyektivdir ya da tam subyektiv.. bəzən bütün kağızların oxunmayıb, random eyni qiymətlər atıldığı da olacaq, bəzən artıq bəzən əksik alacaqsınız beləcə. Belə hallarda obyektiv olmayacaq.
Ədalətsizlik olduğu zaman bunu dekanla olan açıq mikrofonda demək istəyəcəksiniz, online müəllim sorğularında da, bilməlisiniz ki, dekanın sizin etirazınıza qarşı nəsə etsə belə (ütopik) digər müəllimələrin hədəf nöqtəsi olacaqsınız. Uninin iş sahəsində də görəcəksiniz, özündənrazı, prinsipial və yeri gəldi vicdanını palto misali asan şəxslər ən üst yerə gəlir, onlardan yaxşılıq və xoş rəftar görmək asan olmur.
Starosta müəllimin köləsidir, vasitəçi deyildir. Hətta bəzi xariclə əlaqədar keçid, bəzi tədbirləri bilsə də məcburiyyət olmadığı halda paylaşmayıb amma özü iştirak edən birisi olacaq.
Heç kim bal üçün gözüdönmüş bir tələbədən daha qorxaq və ya daha qorxunc deyil və heç kim yalanlarla müəllimin ayağını verməyən , sinif qarşıtı starostadan daha yaltaq və ikiüzlü deyil.
Yaxşı dostluqlarınız olacaq, amma əsl dostluğun kimləsə söz çəpinə düşdüyünüzdə səsinizə qüvvət olan və ya sonrasında sizi sakitləşdirən şəxs olduğunu görəcəksiniz. Qalanları həqiqi mənada sadəcə qrup yoldaşınız olacaq.
Birilərinə can yandırmayın, azı gəldi deyə üzünüzə tüpürələcək siz olacaqsınız. Sonradan sonraya gələn "biz sənin yanındayıq" cümləsinə aldanmayın, hər kəs siz ona sərf etdiyiniz qədər yanınızdadır.

Mən heç kimə elədiyim yaxşılığa pis olmadım, hamısı içimdən gəldi, mənim də könlümü oxşadı. Amma etməyin, görəcəksiniz ki, hər kurs zaman-zaman soyuqlaşacaq və etdiklərinizin heç bir dəyəri qalmayacaq. Bu sizi pis insan etmir, amma bəzi şeyləri bilmək bilməməkdən yaxşıdır və əksi.
Son olaraq, hər uni özünü tərifləyir, ndu da , bdu da, özəl də.. əsas məsələ, sistemdir. Sistemsə zaydır, yaxşısı xaricə çıxışı olan və sonrasında iş tapa biləcəyiniz bir uni seçin və ixtisaslaşın.
Sözümün canı, bir bal artiq almaq, kəsilmək, əlaçı olmaqdan ötə universitet sizə min bir üz göstərib həyata hazırlayacaq. Nəticədə isə:
"Ben değişmedim, değiştirdiler" deyən olacaqsınız.